އައްޑޫ ސިޓީ ހިތަދޫ ކުރީގެ ރީޖަނަލް ހޮސްޕިޓަލުގައި ގާއިމް ކޮށްފައިވާ ފުލޫ ކުލިނިކް މާދަމާ ހެދުނުން ފެށިގެން ހަވީރަށް ބަންދުކުރާ ގޮތަށް ހަމަޖައްސަވައިފިއެވެ.
ހެނދުނު 8:30 އިން ހަވީރު 6:30 އަށް ބަންދުކުރުމަށްފަހު އަލުން ހުޅުވާނީ މާދަންރޭ 7:00 އިން ފެށިގެން އަލުން ޚިދުމަތް ފަށާނެ ކަމަށް ވެސް އެތަނުން ވިދާޅުވެފައިވެއެވެ.
އައްޑޫ ފުލޫކުލިނިކަށް އެވްރެޖުކޮށް މިހާރު ފަސް މީހުން ދައްކާ ކަމަށް މައުލޫމާތު ލިބިފައިވެއެވެ. އެޗުޕީއޭއިން ވިދާޅުވެފައިވަނީ މިދުވަސްވަރު ރާއްޖޭގައި ކޮވިޑް-19 ނޫނަސް އެހެނިހެން ރޯގާ އެބައުޅޭ ކަމަށެވެ. އެހެންކަމުން ކިރިޔާވެސް އެފަދަ އަލާމާތެއް ފެނިއްޖެނަމަށް ޑޮކްޓަރަށް ދެއްކުމަށްވަނީ އިރުޝާދު ދެއްވައިފައެވެ.
ސަރުކާރުން މިހާރުވަނީ ރާއްޖޭގެ ފަސް ސަރަހައްދެއްގައި ކޮވިޑް-19 އަށް ޓެސްޓް ކުރެވޭނެ އިންތިޒާމް ހަމަޖައްސަވަން ނިންމަވައިފައެވެ. އޭގެ ތެރޭގައި އައްޑޫ އެކުއެޓޯރިއަލް ހޮސްޕިޓަލް ހިމެނެވެ.
