ސުޕަރ ކަޕް ނޫޑްލްގެ އަލަށް ތައާރަފް ކުރެވުނު ފްލޭވަރސް ތަކާއެކު ޚާއްސަ ޕްރޮމޯޝަނެއް ސްޓޭޓް ޓްރޭޑިންގް އޯގަނައިޒޭޝަން(އެސްޓީއޯ)ގެ ސުޕަމާޓުން މިއަދު ފަށައިފިއެވެ.
ކަޕްނޫޑްލްގެ ޕްރޮމޯޝަން ކުރިޔަށް ގެންދިއުމަށް ހަމަޖެހިފައިވަނީ މިއަދުން ފެށިގެން އަންނަ ޑިސެމްބަރު ނިޔަލަށެވެ.
މި ޕްރޮމޯޝަނުގައި ލިބޭ އިނާމުތަކުގެ ތެރޭގައި ވާވެއި މޮބައިލް ފޯނާއި ގޭތެރޭގެ ހިފާގެންގުޅޭ ސާމަނާއި،ބަދިގެ ސާމާނުގެ އިތުރުން ކަޕް ނޫޑްލް ކޭހާއި ކަޕްނޫޑްލް ތަށި ހިމެނެއެވެ. އެސްޓީއޯ އިން ވިދާޅުވެފައިވާ ގޮތުގައި މިއީ ރާއްޖޭގެ ބާޒާރުގައި ހުރި އެންމެ އަގުހެޔޮ ނޫޑްލްސް އެވެ.
މި ޕްރޮމޯޝަނުގައި އިނާމް ލިބޭނީ ނޫޑްލްސް ކަޕް ތެރޭގައި އޮންނަ ކަހާލެވޭ (ސްކްރެޗް) ކާޑު ހިފައިގެން އެސްޓީއޯ ސްޕަރމާޓަށް އައުމުންނެވެ. "އެކާޑު ކަހާލާއިރު އޭގައި އޮންނަ އެއްޗެއް ލިބޭނީ" އެސްޓީއޯއިން ވިދާޅުވިއެވެ.
ދިވެހިންގެ މެދުގައި މަގުބޫލް ކަޕް ނޫޑްލްގެ މި ޕްރޮމޯޝަން ފަށްޓަވައިދެއްވީ އެސްޓީއޯގެ ސީއީއޯ އަދި މެނޭޖިންގ ޑިރެކްޓަރ ޙުސައިން ޢަމްރުަ ރަޝާދުއެވެ.
