ދިވެހިރާއްޖޭގެ ކަނޑުގެ ސަރަހައްދުގައި މަސްތުވާތަކެތި ޓްރެފިކް ކުރަން އުޅެނިކޮށް އަތުލައިގެންފައިވާ އީރާނުގެ ބޯޓު ނޫސްވެރިންނަށް ދައްކާލަން ނިންމައިފައެވެ.
ދިވެހި ސިފައިންނާއި ފުލުހުން ގުޅިގެން ހިންގި އޮޕަރޭޝަނުގައި އަތުލައިގަތް މި ބޯޓު ނޫސްވެރިންނަށް ދައްކާލާނީ މިއަދުއެވެ.
ފުލުހުން ވިދާޅުވީ ބޯޓަށް ދިޔުމަށް ފުރާނީ 4:00 ގައި ތިން ނަމްބަރު ޖެޓީން ކަމަށެވެ. އެނބުރި އައުމަށް ހަމަޖެހިފައިވަނީ 5:00 ގައެވެ.
މިދަތުރުގައި ބޯޓު ފޮޓޯ ނެގުމާއި ވީޑިއޯ ކުރުމުގެ ފުރުސަތު ނޫސްވެރިންނަށް ލިބޭނެއެވެ.
މި އޮޕަރޭޝަނާ ބެހޭ މަޢުލޫމާތު އަންނަ ހަފްތާގައި ނޫސްވެރިންނަށް ދެއްވާނެ ކަމަށް ފުލުހުން ވިދާޅުވިއެވެ. މި ބޯޓުން ވަނީ 50 ކިލޯގެ މަސްތުވާތަކެތި ފެނިފައެވެ.
