މާލެއަތޮޅު އޮޅުވެލި ރިސޯޓުގައި މަސައްކަތް ކުރަމުންދާ ބަނގްލަދޭޝް ބަޔަކު އެރިސޯޓުގައި މިރޭ ހިންގަންއުޅުނު ހަމަނުޖެހުން ވާހަކަދައްކައިގެން ޙައްލުކޮށްފިއެވެ.
މި މައްސަލަ ޙައްލުވީ ރިސޯޓުގެ މެނޭޖުމެންޓާއި ބިދޭސީންގެ ތެރެއިން އިސްކޮށްއުޅުނު ފަސް މީހަކާއި އެމީހުން އެރަށުގައި ކުރަމުންދިޔަ މަސައްކަތް ނަގައިގެން އުޅޭ ކުންފުނީގެ އިސްމީހުންނާ ވާހަކަ ދައްކައިގެން ކަމަށް ފުލުހުން ވިދާޅުވިއެވެ.
ވާހަކަ ދައްކައިގެން އެއްބަސްވެފައިވަނީ އަންނަ ހޯމަދުވަހު މުސާރަދޭ ގޮތަށެވެ. އެދުވަހު މުސާރަ ނުލިބުނަސް އިތުރަށް މުޒާހަރާ ނުކުރާނެ ކަމަށްވެސް ވަނީ އެއްބަސްވެފައެވެ. މުސާރަ ނުލިބިއްޖެ ކަމަށްވާނަމަ ދެން މައްސަލަ ޙައްލުކުރާނީ ކަމާބެހޭ އިދާރާތަކާ ގުޅިގެން ކަމަށްވެސް ވެސް އެއްބަސްވެފައިވާ ކަމަށް ފުލުހުން ވިދާޅުވިއެވެ. މިމައްސަލަ ޙައްލުވެފައިވަނީ މިރޭ 22:22 ގައެވެ.
އެރިސޯޓުގައި ބިދޭސީން ހިންގަންއުޅުނު ހަމަނުޖެހުމާ ގުޅިގެން އެއްވެސް މީހަކު ބަންދުކޮށްފައިނުވާ ކަމަށް ފުލުހުން ވިދާޅުވިއެވެ.
މުސާރަ ނުދޭ ކަމަށްބުނެ ފަންސާހަކަށް ބިދޭސީން ވެގެން މިރޭ އެރިސޯޓުގައި ވަނީ މުޒާހަރާކޮށްފައެވއެމީހުން މަސައްކަތް ކޮށްފައިވަނީ ދަނޑިބުރިފަދަ ތަކެތި ހިފައިގެން ފަތުރުވެރިން އުޅޭސަރަޙައްދަށް އެރުމަށެވެ.
އެމީހުންނަކީ އެ ރިސޯޓުގައި ތާރޑު ޕާޓީގެ ކޮންޓްރެކްޓްގައި މަސައްކަތްކުރަމުންދާ ބައެކެވެ.
