ހދ. ކުޅުދުއްފުށީ ފިހާރާއަކަށް، މޫނު ނިވައިކޮށްގެންހުރި މީހަކު ވަދެ ސޭޓަށް ވަޅިން ބިރުދައްކައި ފައިސާތަކެއް ފޭރިގެންފިއެވެ.
ފުލުހުން ވިދާޅުވީ މިމައްސަލަ ފުލުހުންނަށް ރިޕޯޓުކޮށްފައިވަނީ މިރޭ 9:30 ގައި ކަމަށެވެ. އެމީހާ ފޭރިގެންފައިވަނީ ކިހާ ފައިސާއެއް ކަމެއް ފުލުހުން ވިދާޅުވެފައެއް ނުވެއެވެ.
މި މައްސަލައިގެން ތުހުމަތުގައި މިހާރު ވަނީ ޢުމުރުން 36 އަހަރުގެ މީހަކު ބަންދު ކޮށްފައެވެ. އެމީހާ އަތުން އެފައިސާ ފެނުނުކަމެއް ނުވަތަ ނޫން ކަމެއް ފުލުހުން ވިދާޅެއް ނުވެއެވެ.
ފުލުހުން ގެންދަނީ މިމައްސަލަ އިތުރަށް ތަޙުޤީޤު ކުރަމުންނެވެ. ފަހަކަށް އައިސް ރާއްޖޭގެ އެކި ހިސާބުތަކުގައި މިފަދަ ކަންކަންދަނީ އިތުރުވަމުންނެވެ.
