ހަރުކަށި އަދަބު ދީގެންވެސް ޤަވާޢިދުތަކަށް މީހުން ލައްވައި ޢަމަލު ކުރުވަން ޖެހޭ ކަމަށް ރައްޔިތުންގެ މަޖިލީހުގެ އައްޑޫސިޓީ ހިތަދޫ ދެކުނު ދާއިރާގެ އެމްޑީޕީ، މެމްބަރު ޢަލީ ނިޒާރު ވިދާޅުވެއްޖެއެވެ.
އޭނާ ކުރައްވައިފައިވާ ޓްވީޓެއްގައި ވިދާޅުވެފައިވަނީ މަސްތުވާތަކެތި ހުއްޓުވުމަށް ނުބޯށޭ ބުނެގެން ނިންމައިލެވެން ނޯންނާނެ ކަމަށެވެ. އަދި އެކްސިޑެންޓްތައް ހުއްޓުވުމަށް ބަލައިގެން ދުއްވާށޭ ބުނެގެން ދައުލަތުގެ ވާޖިބު ނިންމާ ނުލެވޭނެ ކަމަށް ވެސް ވިދާޅުވިއެވެ. އޭގެ ބަދަލުގައި ހަރުކަށި އަދަބު ދީގެންވެސް ހެދިފައިވާ ޤާނޫނުތަކަށް ޢަމަލު ކުރަން ޖެހޭ ކަމަށް އެނާ ވިދާޅުވިއެވެ.
"މަސްތުވުން ހުއްޓުވަން ނުބޯށޭ ބުނެ، އެކްސިޑެންޓު ހުއްޓުވަން ބަލައިގެން ދުއްވާށޭ ހަމައެކަނި ބުނެގެން ދައުކަތުގެ ވާޖިބު ނިންމާ ނުލެވޭނެ. ޤަވާޢިދަށް ތަބާކުރުވަން ހަރުކަށި އަދަބު ދޭންޖެހޭ،" ނިޒާރު ވިދާޅުވިއެވެ.
މަސްތުވާތަކެތީގެ ވާހަކައާއި ޓްރެފކުގެ ވާހަކަ އެކަނި ނިޒާރު ފާހަގަ ކުރައްވައިފައި ވިޔަސް ރާއްޖޭގެ ހެދިފައިވާ ހުރިހާ ޤަވާޢިދެއްވެސް މީހުންނަށް އަދަދު ދީގެންވެސް ތަންފީޒު ކުރެވެންޖެހޭނެއެވެ.
