މޯލްޑިވްސް ލޭބަރ އެންޑް ސޯޝަލް ޑިމޮކްރެޓިކް ޕާޓީ (އެމްއެލްއެސްޕީ) އިލެކްޝަން ކޮމިޝަނުގެ ދަފްތަރުގައި ރެޖިސްޓްރީ ކޮށްދެއްވައިފިއެވެ. މިއީ ޤާނޫނީ ވަކީލު ޢަބްދުﷲ ޙަސީން އިސްވެ ހުންނަވައިގެން އުފެއްދެވި ޕާޓީއެކެވެ.
އެޕާޓީ ރަޖިސްޓްރީ ކޮށްދެއްވުމަށްފަހު ރަޖިސްޓްރީ ވަނީ އެޕާޓީއާ ޙަވާލުކުރައްވައިފައެވެ. މި ރަސްމިއްޔާތު ބާއްވައިފައިވަނީ އިލެކްޝަންސް ކޮމިޝަނުގައި މިއަދުއެވެ.
މިއަދު ރަޖިސްޓްރީ ކޮށްދެއްވި ލޭބަރ ޕާޓީ އުފެއްދުމުގެ ޖަލްސާ ބޭއްވުމުގެ ހުއްދަ އިލެކްޝަނުން ދެއްވީ 2018 ވަނަ އަހަރު ޑިސެންބަރު މަހުގެ 19 ވަނަ ދުވަހުއެވެ. އެޖަލްސާ ބާއްވައިފައިވަނީ 2019 ވަނައަހަރުގެ ޖެނުއަރީ 11 ވަނަދުވަހުއެވެ. އެޖަލްސާގައި ވަނީ ޕާޓީގެ ގަވައިދާއި، ކުލައާއި ދިދަ ފާސްކޮށްފައެވެ.
މި ޕާޓީއަށްވުރެ ކުރިން އެމްޓީޑީ ވަނީ އުފައްދައިފައެވެ. އެޕާޓީ އުފެއްދުމަށްފަހުމިހާރުވަނީ ރަސްމީކޮށް ސިޔާސީ މަސައްކަތްތައް ފަށައިފައެވެ. އެމްޓީޑީގެ ރައީސަކީ ކުރީގެ ނާއިބު ރައީސް އަޙުމަދު އަދީބެވެ. ސީނިއާ ނާއިބު ރައީސަކީ އިސްމާޢީލް ޢާސިފެވެ. ނާއިބު ރައީސަކީ ވެލިދޫ ދާއިރާގެ މެމްބަރު ޔާމީން ރަޝީދެވެ.
