މަލެއަތޮޅު ތުލުސްދޫ މޫދަށް އެރި އުޅުނު ޕާކިސްތާނު މީހަކު ގެނބިގެން އެރަށު ސިއްޙީ މަރުކަޒުގައި ފަރުވާ ދޭން ފަށައިފިއެވެ.
ފުލުހުން ވިދާޅުވީ އެމީހާ ގެނބުނު ކަމުގެ މަޢުލޫމާތު ލިބިފައިވަނީ މިއަދު 3:29 ގައި ކަމަށެވެ. ސިއްޙީ މަރުކަޒުން ފަރުވާދޭން ފެށުމުން އޭނާގެ ޙާލު ރަނގަޅު ވަމުން އަންނަ ކަމަށް ވެސް ފުލުހުން ވިދާޅުވިއެވެ.
ރާއްޖެއަށް އަންނަ ފަތުރުވެރިން މިގޮތަށް ގެނބިގެން މަރުވުން މިހާރުދަނ އިތުރުވަމުންނެވެ. މިއީ އެފަދަ މީހުންގެ ޢާއިލާތަކާއި ދިވެހިން ވެސް ކަންބޮޑުވަމުންދާ ކަމެކެވެ.
މިފަދަ މީހުން މޫދަށް ފޭބުމުގެ ކުރިން އެމީހާއަކީ ރަނގަޅަށް ފަތަން ދަންނަ މީހެއްތޯ އެފަދަ މީހުންގެ ގައިޑުންގެ ގޮތުގައި މަސައްކަތް ކުރާ މީހުން ކަށަވަރު ކުރާ ކަމަށްވާނަމަ މިފަދަ ޙާދިސާ ހިނގުން މަދުވާނެ ކަމަށް ކަމާ ބެހޭ ބައެއްފަރާތްތަކުން ވިދާޅުވެއެވެ.
