ސަރުކާރުގެ ފުރަތަމަ 30 ދުވަހުގެ ތެރޭގައި ފުއްދެވުމަށް ވަޢުދުވެފައިވާ ކަންކަމުގެ ތެރެއިން 84 އިންސައްތަ 67 ކަމަކުން 56 ކަމެއް ޙާސިލްވުމުން ރައީސް އިންރާހީމް މުޙައްމަދު ޞާލިޙު ހުންނެވީ އެކަންކަމާމެދު ހިތްޕުޅު ހަމަޖެހިވަޑައިގެފައި ކަމަށް ރައީސް އޮފީހުން ވިދާޅުވެއްޖެއެވެ.
މިހާރު ޙާސިލް ކުރެވިފައިވަނީ ކުރިއަށް އޮތްތާނގައި ސަރުކާރުން ކުރަންހުރި ކަންކަމުގެ ތެރެއިން މަދު މިންވަރެއް ކަމަށާއި، މިހާތަނަށް ހާސިލްކުރެވުނު ކަންކަމަކީ، ސަރުކާރުގެ އަމާޒަށް ވާސިލުވުމަށް ލިބިވަޑައިގެންނެވި އިތުރު ހިތްވަރެއްކަމުގައި ރައީސް ވިދާޅުވި ކަމަށް ވެސް ރައީސް އޮފީހުން ވިދާޅުވެފައިވެއެވެ.
މީގެއިތުރުން އިޤްތިޞާދީ ކުރިއެރުމާއި ޤައުމީ ތަރައްޤީއާއެކު ސަރުކާރު ހިންގުމުގައި ރައްޔިތުންގެ ބައިވެރިވުން އިތުރުކޮށް ރައްޔިތުންގެ ޑިމޮކްރެޓިކް ޙައްޤުތައް ކަށަވަރުކޮށްދިނުމަށް ސަރުކާރުން ވައުދުވެފައިވާ ކަންކަން ފުރިހަމަ ކުރެއްވުމުގައި އިތުރު ބާރަކަށް އެކަންކަން ވެގެން ހިނގައްޖެ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.
ސަރުކާރުގެ ފުރަތަމަ 100 މަސައްކަތު ދުވަސް 27 މާރިޗު 2019 ގައި ހަމަވާއިރު، 21 މިނިސްޓްރީއަކާ ގުޅޭ 161 ވަޢުދެއް ފުއްދެވުމަށް ވަނީ ކަނޑައަޅުއްވައިފައެވެ.
