އަނިޔާކޮށް އެއްލާލައިފައިވާ ކަމަށް ބެލެވޭ ތުއްތު އަންހެން ކުއްޖަކު ގދ. ވާދޫ ގެއަކުން ފެނިއްޖެ އެވެ.
މަޢުލޫމާތު ލިބިފައިވާ ގޮތުގައި އެކުއްޖާ ފެނިފައިވަނީ ބާލިދީއެއްގެ ތެރެއިންނެވެ. އޭނާ ފެނުނުއިރު ކޮންމެވެސް ވަރަކަށް އަނިޔާކޮށްފައިވާ ކަމަށް ވެސް މަޢުލޫމާޔު ލިބިފައިވެއެވެ. ބެލެވޭ ގޮތުގައި އަނިޔާކުރިބަޔަކު މަސައްކަތްކޮށްފައިވަނީ އެކުއްޖާ މަރާލުމަށެވެ. އެހެންނަމަވެސް އެކުއްޖާ ފެނުނުއިރު މަރެއް ނުވެއެވެ.
ފުލުހުން ވިދާޅުވީ ވާދޫގައި މިފަދަ ކަމެއް ހިނގައިގެން ފުލުހުންނަށް ރިޕޯޓުކޮށްފައިވާ ކަމަށެވެ. ފުލުހުން ވިދާޅުވީ މިއީ ނަހަލާލަށް ބަލިވެ އިނދެ ވިހައިވާ ކުއްޖެއް ކަމަށެވެ. ކުއްޖާ ވިހައިފައިވަނީ ފާޚާނާ ތެރެއަށް ކަމަށް ވެސް ފުލުހުން ވިދާޅުވިއެވެ.
ބަލީދީ ތެރެއިން ފެނުނު ކުއްޖާއާއި ކުއްޖާގެ މަންމައަށް މިހާރު ގެންދަނީ ވާދޫ ސިއްހީ މަރުކަޒުގައި ވަރުވާދެމުންނެވެ. އެ ދެމައިން ސިއްޙީމަރުކަޒަށް ގެންދިޔައި އަވަށްޓެރި ބައެކެވެ. ދެމައިންގެ ޙާލުވެސް ރަނގަޅު ކަމަށް މަޢުލޫމާތު ލިބިފައިވެއެވެ.
ފުލުހުން ވިދާޅުވީ މައްސަލަ ބަލަމުންދާތީ މިވަގުތު އިތުރަށް އެއްޗެއް ވިދާޅުވެވެންނެތް ކަމަށެވެ.
