ނިއު ދިއްލީގައި ކުރިއަށް ދިޔަ އަނެހެނުންގެ ދުނިޔޭގެ ބޮކްސިން ޗެމްޕިއަންޝިޕްގައި އިންޑިއާގެ ބޮކްސިން ތަރި، މެރި ކޮމް އޭނާގެ 6ވަނަ ގޯލްޑް މެޑަލް ހޯދައިފިއެވެ. މިއީ ބޮކްސިންގެ ތާރީޚުގައި އަންހެނަކަށް 6 މެޑަލް ލިބުނު ފުރަތަމަ ފަހަރެވެ.
އިއްޔެގެ މެޑަލާ އެކު މެރި ކޮމް ވަނީ ވިމެންސް ވޯލްޑް ބޮކްސިން ޗެމްޕިއަންޝިޕް 6 ފަހަރު ކާމިޔާބު ކޮށްފައެވެ. މީގެ ކުރިން 2002، 2005، 2006، 2008 އަދި 2010ވަނަ އަހަރު އޭނާ ވަނީ މުބާރާތް ކާޟިޔާބު ކޮށް ރަން މެޑަލް ހޯދާފައެވެ. އިއްޔެ އާއި ހަމައަށް މެރި ކޮމް އާ އެކު ބޮކްސިންގައި ފަސް މެޑަލާ އެކު ރެކޯޑް އޮތީ އަޔަލޭންޑްގެ ކޭޓީ ޓޭލާރ އެވެ. މެރިކޮމް ވަނި 2001ވަނަ އަހަރު ރިހި މެޑަލް ހޯދާފައެވެ. އިއްޔެގެ މެޑަލް އާއެކު ބޮކްސިން އިން އޭނާ އަށް 7 މެޑަލް ލިބިފައިވެއެވެ.
ހޮނިހިރު ދުވަހު ނިއު ދިއްލީގެ ކޭޑީ ޖާދާވް އިންޑޯރ ސްޓޭޑިއަމްގައި ހޮނިހުރ ދުވަހު ކުރިއަށް ދިޔަ މެޗުގައި މެރި ކޮމް ވާދަ ކުރީ ޔުކްރޭނުގެ ހަނާ އޮކޯތާ އާާ އެވެ.
މެރިކޮމް ގެ ހަޔތުގެ މައްޗަށް ބޮލީވުޑް ފިލްމެއްވެސް އުފައްދދާފައި ވެއެވެ. މި ފިލްމުގައި މެރި ކޮމް ގެ ރޯލު ކުޅެފައިވަނީ މަޝްހޫރް ގްލޯބަލް ތަރި ޕްރިޔަންކާ ޗޯޕްރާ އެވެ.
