ކުށް ސާބިތުވެ ސަތާރަ އަހަރުގެ ޖަލު ޙުކުމެއް ތަންފީޒު ކުރައްވަމުން ގެންދެވި ރާއްޖޭގެ ކުރީގެ ޕްރޮސެކިޔުޓަރ ނެޖެނެރަލް މުހުތާޒު މުޙުސިން ހައިކޯޓުން މިއަދު މިނިވަން ކުރައްވައިފިއެވެ.
ސަތާރަ އަހަރަށް އޭނާ ޖަލަށް ލުމަށް ކްރިމިނަލް ކޯޓުން ޙުކުމް ކުރައްވައިފައިވަނީ ކުރީގެ ރައީސް ޢަބްދުﷲ ޔާމީން ބަންދުކުރަން ޞައްޙަ ނޫން ލިޔުމެއް ތައްޔާރުކުރި މައްސަލައިގެ ކުށް ސާބިތުވެގެންނެވެ.
ހައިކޯޓުން އޭނާ މިނިވަން ކުރެއްވީ އޭނާގެ މައްސަލައިގެ އިސްތިއުނާފުގެ އަޑު އެހުންތަކަށްފަހުއެވެ. އެ އަޑުއެހުންތަކަށް ހައިކޯޓުންވަނީ އެ ޙުކުމް ބާޠިލް ކުރައްވައިފައެވެ.
ރައީސް ޔާމީން ބަންދުކުރަން އުޅުމުގެ މައްސަލަ ސާބިތުވެ މުހުތާޒު ޖަލަށް ލުމަށް ކްރިމިނަލް ކޯޓުން ޙުކުމްކުރީ 2016 ވަނަ އަހަރުގެ ޖޫން މަހު 9 ގައެވެ. މި މައްސަލައިގައި ދެން ބަންދުކުރީ އދ. މާމިގިލީ ކޯޓުގެ އިސް މެޖިސްޓްރޭޓް އަޙުމަދު ނިހާނެވެ. ހައިކޯޓުން ވަނީ އޭނާ ވެސް މިނިވަން ކުރައްވައިފައެވެ.
