ކީރިތި ރަސޫލާއަށާއި އިސްލާމްދީނަށް ހަޖޫޖަހައި ފުރައްސާރަ ކުރަމުންދިޔަ ޢާއިޝަތު ވެލްޒިނީ ބަންދުކޮށްފި ކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ އޭނާ ބަންދުކުރީ ތަޙުޤީޤު ކުރަމުންދާ މައްސަލައަކާ ގުޅިގެން ކަމަށެވެ. އޭނާއަކީ ރާއްޖެއިން ބޭރުގައި ދިރިއުޅެމުންދިޔަ މީހެކެވެ. އެދުވަސްވަރު އޭނާވަނީ ފޭސްބުކު މެދުވެރިކޮށް ކީރިތި ރަސޫލާއަށާއި، އިސްލާމްދީނަށް ފުރައްސާރަކޮށް ހަޖޫޖަހައި ވީޑިއޯތަކެއް ވެސް އާންމުކޮށްފައެވެ. ވެލްޒިނީގެ މިޢަމަލުތަކާ ބެހޭގޮތުން އިސްލާމިކް މިނިސްޓްރީން ވަނީ އޭނާ މުރުތައްދު ވެފައިވާ ކަމަށް ކަނޑައަޅުއްވައިފައެވެ.
އެކަމާގުޅިގެން ރައްޔިތުންގެ ތެރެއިން ގިނަބައެއްގެ ނުރުހުންތެރިކަން އޭނާއަށް ވަނީ ރައްދުވެފައެވެ.
ފުލުހުން ވެލްޒިނީ ބަންދުކުރީ ރާއްޖޭގައި ބޭރުގައި އުޅުމަށްފަހު މިއަދު ރާއްޖެ އައުމުންނެވެ. މިދިޔަ އަހަރު މެއިމަހު 23 ވަނަ ދުވަހު ފުލުހުންވަނީ 14 ދުވަސް ތެރޭ ފުލުހަށް ޙާޒިރުވާން ވެލްޒިނީއަށް އަންގައިފައެވެ.
