ރައީސް ޔާމީންގެ ސަރުކާރުން ކުރިއަށް ގެންދަވާ ހިޔާ މަޝްރޫއުގެ ދަށުން ބޯހިޔާވަހިކަމަށް އެދި ފޯމުހުށަޅާ ހުރިހާ މީހުންނަށް ފުލެޓުދޭން ސަރުކާރުން ނިންމައިފިއެވެ.
ސަރުކާރުގެ ފަރާތުން މިކަން ހާމަކުރެއްވީ މިރޭބޭއްވި "ހިޔާ އެކޮމްޕްލިޝްޑް" މަޝްރޫއު އިފްތިތާހުކުރުމުގެ ރަސްމިއްޔާތުގައި ވާހަކަފުޅު ދައްކަވަމުން ހައުސިންމިނިސްޓަރ ޑރ. މުހައްމަދު މުއިއްޒެވެ.
މިމަޝްރޫއުގެ ދަށުން ވިލިމާލެ 2 ތަރައްގީކޮށް ތިންލައްކައަށްވުރެ ގިނަމީހުންނަށް ބޯހިޔާވަހިކަން ކަށަވަރުވެހެންދާނެއެވެ. ފުލެޓަށް އެދި ހުށަހަޅާ އެންމެނަށް ފުލެޓުދޭން ރައީސް ޔާމީން ނިންމެވުމުން އެތައް ބައެއްގެ އުންމީދު މިހާރުވަނީ އަނެއްކާވެސް އައުވެގެން ގޮސްފައެވެ.
މިނިސްޓަރ ވިދާޅުވީ ހިޔާ މަޝްރޫއުގެ ދަށުން މިހާތަނަށް ފޯމު ހުށަހަޅައިފައިވާ މީހުންނާއި މިމަހުގެ ނިޔަލަށް ފޯމު ހުށަހަޅާ އެންމެންނަށް ފުލެޓު ދެއްވުމަށް ރައީސް ޔާމީން ވަނީ ނިންމަވައިފައެވެ.
މި މަޝްރޫއުގެ ދަށުން ފުލެޓު ދޫކުރާނީ ހުޅުމާލެ ފޭސް 2 އިންނެވެ. މިނިސްޓަރ ވިދާޅުވީ ފުލެޓު ލިބުމުގެ ހަމައެކަނި ޝަރުތަކަށް އޮންނާނީ އުމުރުން 18 އަހަރުވުމާއި، 1000 އަކަފޫޓަށް ވުރެ ބޮޑު ގެއެއް އަމިއްލަ ނަމުގައި ނެތުން ކަމަށެވެ.
