މާލެއާއި ހުޅުލެއާ ދެމެދު ސަރުކާރުން އަޅައިފައިވާ ސިނަމާލެ ބްރިޖު އާންމު ދަތުރު ތަކަށް މިއަދު ހުޅުވައިފއެވެ.
މިއަދު ހަވީރު 4:00 ގައި އާންމު ދަތުރުތަކަށް ބްރިޖު ހުޅުވާލިއިރުވެސް ބްރިޖުން ދަތުރުކުރުމަށް ގިނަ އަދަދެއްގެ މީހުން ގޮސްތިއްބެވެ. މިއަދުން ފެށިގެން އެމްޕީއެލްގެ ބަހުގައި ހިލޭ ދަތުރުކުރެވޭނެއެވެ. އަދި އެހެން އުޅަނދު ފަރަށް ވެސް ހިލޭ ދަޔުރުކުރެވޭނެއެވެ.
އެގޮތަށް ދަތުރުކުރެވޭނީ ނަގާނެ ފީތަކާއި އެކަންކުރާނެ އުސޫލު ކަނޑައަޅަން ދެނެވެ. މައުލޫމާތު ލިބިފައިވާ ގޮތުގައި އެކަން ހަމަޖައްސައި ފީނަގައިގެން ދަތުރުކުރަން ފަށާނީ މިމަހުގެ 27 ވަނަ ދުވަހުން ފެށިގެންނެވެ. އެހެންނަމަވެސް އެކަން އަދި ކަށަވަރު ކުރެވިފައެއް ނުވެއެވެ.
ބުރިޖު ހުޅުވާލުމުން އެންމެ ބޮޑު ސަމާލު ކަމެއްދޭންޖެހޭ އެއްކަމަކީ ބްރިޖު ބޭނުންކުރުމަށް ހެދިފައިވާ ގަވާއިދު ތަކަށް އަމަލު ކުރުމެވެ. އަދި އެ ލޭނަކަށް ޚާއްސަ ކުރެވިފައިވާ އުޅަނދެއް އެލޭނަކުން ދުއްވުމަށް މީހުން އަހުލުވެރިވާންޖެހެއެވެ.
