ބަލިވެއިން ކަން އިއުލާން ކުރިތާ އެއްދުވަސް ފަހުން ނެހާ އާއި އޭނާގެ ފިރިމީހާ އަންގަދް ބޭދީ ވަނި ލެކްމީ ފެޝަންވީކްގައި ބައިވެިރވެފައެވެ. ނެހާ އާއި ފިރިމީހާ ރޭމްޕްގައި ހިނގާފައިވަނީ ޑިޒައިނަރ ޕާޔަލް ސިންގާލް އާއި ލެކްމީ ސެލޯން ޝޯގެ 'ދަ ޝޯ ސްޓޮޕިން ބްރައިޑް' ގައެވެ.
މިއީ މާބަނޑު ތަރިއަކު ރޭމްޕުގައި ހިނގި ފުރަތަމ ފަހަރެއް ނޫނެވެ. ކަރީނާ ކަޕޫރްވެސް ވަނި ދަރިފޅު ތައިމޫރް އަށް ބައލިވެ އިން އިރު ލެކްމީ ފެޝާން ވީކްގައި ބައިވެރިވެފައެވެ.
ޝޯއަށް ފަހު މީޑިއާ އާއި ވާހަކަ ދައްކަމުން ނެހާ ބުނީ އޭނާ ބަލިވެއިންކަން ހާމަ ނުކުރާތީވެ އޭނާއަށް ފާޑުކިއުން އަމާޒުވި ކަމަަށެވެ. ގަޔަށް ދޫކޮށް ހުންނަ ހެދުން ލާތީ އާއި ބަރުދަން އިތުރުވާ ކަމަށްބުނެ މީހުން ޝަކުވާ ކުރަމުން ދިޔަކަމަށެވެ. ނަމަވެސް އެފަދަ ވަހަކަތަކަށް ސަމާލުކަން ދޭން ބޭނުން ނުވާ ކަމަށް ނެހާ ބުންނެވެ. ބަލިވެ އިނުމުން މަސައްކަތް ކުރުން ހުއްޓާލަން ޖެހޭ ކަމަށް ބައެއް މީހުން ގަބޫލުކުރި ކަމުގައި ވިޔަސް އޭނާ އެކަން ގަބޫލެއް ނުކުރެއެވެ. އޭނާ ދިޔައީ ޒާތީ ދިރިއުޅުމާއި މަސައްކަތަށް އެއްވަރަކަށް ސަމާލުކަން ދެމުން ކަމަށް ނެހާ ބުންޏެވެ.
