މިއަހަރު ސެޕްޓެމްބަރު މަހު 23 ވަނަ ދުވަހު ރާއްޖޭގައި ބޭއްވުމަށް ހަމަޖެހިފައިވާ ރިޔާސީ އިންތިޚާބު މިނިޓަރކުރަން ބޭނުންވާ މީޑިއާތަކަށް އެފުރުސަތު ހުޅުވާލައިފިއެވެ.
އިލެކްޝަންސް ކޮމިޝަނުން ވިދާޅުވެފައިވަނީ އިންތިޚާބު މޮނިޓަރކުރަން ފުރުސަތު ދޭނީ ރަޖިސްޓްރީ ކޮށްގެން ހިންގާ މީޑީއާތަކަށް އެކަމަށް ބޭނުންވާ މީޑީއާތަކުން އޮގަސްޓްމަހުގެ 15 ގެ ކުރިން އެކަމަށް އެދި ފޯމް ހުށަހެޅުމަށް އިލެކްޝަންސް ކޮމިޝަނުންވަނީ އެދިވަޑައިގެންފައެވެ.
މޮނިޓަރ ކުރުމަށް ބޭނުންވެ ހުށަހަޅާ މީހުންގެ ޝަރުތައްވެސް އިލެކްޝަނުންވަނީ ހާމަކޮށްފައެވެ. އެއީ އުމުރުން 18 އަހަރުވުމާއި، ދިވެއްސަކަށް ވުމާއި، ޖިނާއީ ކުށެއްގައި ހުކުމް ތަންފީޒުކުރަމުންދާ މީހަކަށް ނުވުމާއި ރަޖިސްޓްރީ ކޮށްގެން ހިންހާ މީޑިއާއެއްގައި މަސައްކަތްކުރާ މީހަކަށް ވުމެވެ. އަދި އިންޓަރނޭޝަނަލް މީޑިއާއެއްގައި މަސައްކަތް ކުރާނަމަ އެކަން އިލެކްޝަނަށް ކަށަވަރު ކޮށްދިނުމާއި، އިލެކްޝަންސް ކޮމިޝަނުގެ ފަރާތުން އިލެކްޝަންސްގެ މަސައްކަތަކާ ހަވާލުވެ ހުރި މީހަކަށް ނުވުންވެސް ޝަރުތުތަކުގެ ތެރޭގައި ހިމެނެވެ.
އިންތިޚާބު މޮނިޓަރ ކުރުމަށް ދީފައިވާ ކާޑު ގެއްލިގެން އަލުން ހަދަން ހުށަހަޅައިފި ކަމަށްވާނަމަ އެކާޑު އައު ކޮށްދެވޭނީ 95 ރުފިޔާގެ ޖޫރިމަނާއަކާ އެކުގައެވެ.
މިއަހަރުގެ ރިޔާސީ އިންތިޚާބުގައި ބައިވެރިވުމުގެ ފުރުސަތު ހުޅުވާލުމަށް ނިންމާފައިވަނީ ޖުލައި 15 ވަނަ ދުވަހުއެވެ. މިހާތަނަށް އިންތިޚާބުގައި ބައިވެރިވާނެ ކަމަށް ވިދާޅުވެފައިވަނީ ރައީސް ޔާމީނާއި، އުމަރު ނަސީރާއި، އެލްޖީއޭގެ ކުރީގެ ނާއިބު ރައީސް ގދ. ރަތަފަންދޫ، ސުޖާއު ހުސައިނާއި ކުރީގެ ރައީސް މުހައްމަދު ނަޝީދެވެ.
